الفرق بين العيال الهاي هاي - والعيال العاديين

سلام هذي واقعة الحياه واتمنى تعجبكم واذا قريتوها لاتنسون الردود

أولاد الناس الهاي

أولاً /

في الصباح حيث يبدأ يوم أطفال الهاي عندما يستيقظ الطفل على صوت الكناري اللي بغرفته بعدها يتوجه للحمام يأخذ دش ويفرش أسنانه ويطلع من الحمام تستقبله المربية بالمنشفة وتصبح عليه يروح يغير ملابسه ويأخذ شنطته وينزل لغرفة الطعام ويصبح على أمه وأبوه واحلىىىى بوسه يأخذها منهم ويفطر ذاك الفطور طبعا عبارة عن كرون فلكس أبو الديك وبيضه وحده بس!! وكاس عصير وشويت زبده مع العسل على خبزه ما عمري شفتها.

بعدين يقوم يغسل فمه ويودع الماما والبابا ويتوجه للسياره يلقى قدامه السواق مبتسم ويفتح له الباب ويوديه لمدرسته الخاصة( أم الدراهم) >>>>>>>

--------------------------------------------------------------------------------

أولاد الناس العايديين

--------------------------------------------------------------------------------


الولد يقوم الصبح بعد ما يطلع عين أهله ولازم أفراد العائلة تمر عليه

عشان تصحيه وكل واحد وطريقته :

الأب: قم جعلك الهزل

الأم: قم جعلك الجدري

الأخ: والله إذا ما تقوم لا أفقع وجهك

أخته: < تسوي نفسها بتدلعه> يالله قوم وأعطيك شنطة أخوك تروح فيها للمدرسه < ما درت انه يروح بسير لزاق >>
بعد ما يقوم يمر الحمام على السريع ويغسل وجه شطف هذا إذا راح وبعدين يأخذ اقرب كتب عنده ويربطها ويجيك مدحدر يدور الفطور ويتفاجأ انهم ما حطوه؟؟ هههههههههه

بعد ما يجي الفطور وهو كالعاده : فول شكشوكه تميس + حليب أبو علم يبدأ الولد بالأكل وشوي إلا وهو حاذف أخوه بعلبة الهندسة؟؟؟ هههههه

عشانه سحب صحن الفول من عنده < مسكين ما يطوله> وشوي إلا وهو مسدد بقس عنيف يمشي 200 لأخوه الثاني!! لأنه سرق فسحته؟؟

أبوه يتكلم معه يا ورع أركد وافطر وعين خير انت وش بلاك وراك مدرسه يرد الولد عليه: انت ما تشوف سعيدان سارق فسحتي؟؟

< سعيدان اكبر سروق بالبيت >> ابوه على طول يصدق ويصك سعيدان كف صدقي المهم بعد ما يخلص الفلم اليومي يروح الولد للسياره يلقى اخوه فاتح الكبوت ويصب ماء للرديتر المشقوق تقفل أخلاق الورع وينقز للشارع ويأشر لأقرب سياره ويروح للمدرسه



--------------------------------------------------------------------------------

أولاد الناس الهاي

--------------------------------------------------------------------------------


ثانيا ً/

بعد المدرسة يرجع أطفال الهاي ويلقى المربية في استقباله تأخذ الشنطه وتوديها لغرفته بصحبته يغير ملابسه ويغسل وجهه ورجليه

ويستريح له ساعة في انتظار أفراد العائلة عشان يتغدى وبعد الغداء الرايق < طبعا ما اعرف وشو بس اللي اعرفه انهم يأكلونه بشوكه وسكين >>

يروح لغرفة الجلوس ويشرب شاهي للتهضيم ويحلي بقطعة كيك وبعدين يروح لغرفته ينام له ساعة قبل العصر.
--------------------------------------------------------------------------------

أولاد الناس العايديين

--------------------------------------------------------------------------------


إما الولد منهم يجي من المدرسة وثوبه قالب لونه بني< تقول جدار مدرسه >>

ولا دخل البيت حذف الشنطه < آسف السير اللزاق>>بالصالة وفصخ ثوبه وينك يالشارع < أخوياه يحترونه>> وهاتك ياللعب كوره بذا القايله وعادي الشارع مولع من الحراره وهم عادي مره ولا كأنه فيه شيء واهله ما يدرون ؟؟

في هذه الأثناء يرسل أبوه كتيبه من إخوانه للبحث عنه ولا لقوه وجابوه للبيت قام يصيح طقوني وسحبوني قدام الناس < والله ما أحد لمسه النصاب>> المهم يحطون الغداء < معروف يا كبسة لحم ولا كبسة دجاج >> غيره ما فيه!! يتغدى الولد الكريم ويصك بعدها لتر لبن لين يدوخ بعدها يجلس ساعة فاتح فمه < تحاول تسكر بفمه أنسى >> يحتري من يوديه يغسل له يديه!!!!؟؟؟ هههههههههههه


--------------------------------------------------------------------------------

أولاد الناس الهاي

--------------------------------------------------------------------------------


ثالثاً /

أطفال الهاي لا جاء العصر جابوا دروسهم وشافوا وش عليهم من واجبات وحلوها وحضروا دروس بكره بمساعدة الماما والبابا.

بعدها يروح لغرفة الألعاب ويجلس على البلاي ستيشن 2 وخذ لعب لمدة ساعتين تقريبا يعني إلى وقت ما بين المغرب والعشاء.

بعدها تطلبه أمه مع بقية إخوانه عشان يجتمعون ويشربون العصير ويسولفون سواليف مرره حلوه < اسألوني >>!!!!!! ؟؟؟؟؟

--------------------------------------------------------------------------------

أولاد الناس العايدييين

--------------------------------------------------------------------------------


يجي وقت العصر وهو نايم < مفعول اللبن >> يقوم قبل المغرب ويأخذ دروسه واجباته < وأقلامه ناسيها في درج الطاولة اللي بالمدرسة>>
ويروح عند أخته ويتحايل عليها بكل ما أوتي من قوه على شان تحل له الواجبات وإذا قالت لا يا ويلها يا سواد ليلها .

بعد كذا أنواع الدجه مع أولاد الحارة ومن هم على شاكلته ما يخلون هندي إلا وسرقوا سيكله ولا دكان < حلوه دكان >> إلا ولعبوا بحسبته ولا رجع البيت < على الساعة 11 تقريبا >> تلقى رأسه مفلق من جميع الاتجاهات والشرطه تدوره وجارهم مسوي أعلان عليه مطلوب حي أو ميت!! وخذلك عاد < مساكين اهله >>


--------------------------------------------------------------------------------


أولاد الناس الهاي

--------------------------------------------------------------------------------


رابعاً /

أطفال الهاي بعد ما يتعشى ويمسي على أهله يروح لغرفته ويجلس على النت ساعة أو ساعتين إلى موعد نومه < الساعة 10 تقريبا >> بعدها يغير ملابسه وتجي المربية وتحكي له قصه اللين ينام تغطيه وتطفي النور.


--------------------------------------------------------------------------------

أولاد الناس العايديين

--------------------------------------------------------------------------------


لا رجع البيت< الساعة 11>> ما يدخل مع الباب لا ينط من فوق السور على شان أبوه ما يمسكه .

وعلى طول يزبن لغرفته ويسكر الباب ويطفي النور ويطل من الدريشه < الشباك يعني >> على باب الشارع الرئيسي يشوف وش صار على مسلسل المشاكل المكسيكي اللي جابها معه للبيت وكيف بيحلها أبوه مع الناس ومع جارهم ومع الشرطه.< يبي يقيم أبوه أبو الشباب >>

وفي أثناء ذلك يستغل الفرصة ويدز للمطبخ ويأخذ منه اي جبن كاسات او <جبنة البقره الضاحكه >> وخبز ويرجع لووكره < آسف غرفته> ويقفل باب الغرفه>> ويتعشى من ذا الجبن والخبز الين يدوخ <على الساعة 3

وما يفرش أسنانه بعد هههههههههههه لا وأزيدكم من الشعر بيت ما ينام إلا وهو متلطم!!!؟؟؟ (على باله مراقب) ..


وبهذا يكون قد أنتهى اليوم عند أولاد الناس الهاي هاي و أولاد الناس العايديين

الله يجعلنا مع عيال الناس الهاي هااي
وأترك لكم الحكم

وتقبلوا تحياتي

اكيد اعجبتكم الله الله بالردود

دووم هالضححكه القوويه ههههههع

اممممم ووش اقول بعد..؟<<يعني مطووله يعني..؟

منووووره صفحتي يالغلا