سواليــف حريم!!

بالخير يا ام عزيز وكل اللي فيذا 00
وين القهوة والقدوع وفلت الحجاج 00 قالت الشينه بس بالمرة تعالي وهذي جيت ولا عندي احد

ما علينا ابي اتصاحب يام عزيز معتس كودتس تجوزيني ولدتس عزيز وبعد عمرا طويلا هه قلتها أورث من عقبتس الاشراف

جيت اليوم ابي اسولف عليكم قصص حريم وشلون درو ان رجالهم معرسين عليهم 00

بس يا وخيتي ما ودي الرجال يدخلون موضوعي بتسر تكبر قلوبهم وينتبهون
وتتغير حيلهم 00 سكري الباب عن الرجال 00

بسم الله نبدأ 00

وحيده يوم درت والا رجله يتسحب من الفراش ويسرق رويحته بشويش 00 قالت ويش عنده ذا
ومير تلحقه ولقته بالملحق مرفع رجلينه على التكايه ويهرج هرج استحت وهي مرته تسمعه وطير وارفعي السماعة الاخرى والا والله هذي بنية وتجارية بسواليفه وتلعن اسكافها وترد بوجه هذا وسعه قالت هذا رجلي ولا عليتس من 00 هذا جدع سماعة الملحق ويجيك طاير ويسحب السماعة من مرته ويصك الخط قالت له ما تستحي على وجهك قال يا بنت الحلال هذي مرتي على سنة الله ورسوله قالت هذا العن

طبعا ما يدري ويش يسوي هذي ام عياله ( الا جايب خبرهم ) مدرسة راتبه 12 الف والبيت له والسيارة حقتها ( وهذا المهم ) وذي بنية طالبة بالثانوي ومزيونه وغضه

وحدته طلق البنية همن ام عيالة طردته من البيت
والثانية 00 راحت لأسواق كبيرة بالرياض والا هذا رجله ماسك وحده من أيده تقول متخامين
وتلعن اسكافه قدام الناس وتطلع مرته

والثالثه سكنوا بيت جديد وفرحين به والدور الثاني مخليه فاضي وتقول له يا ابن الحلال خلنا نتوسع به يقول على ديون ابي من كروته نسدد 00
الشغالة ما مشت عليه الهرجة الرجل قبل فوق يشتغل وبيوم رقت الشغالة تسحب الا والله هذه معه مرة خامه ويفرجه على البيت وتنادي عمته قالت امشي ارقي شوفي ويوم رقت والا ويش تشوف وتطيح سكته 00 قطع يالرجال

ووحده راحت تضني عند أهله ورجله قايل له أنه بأنتداب يوم ما بقى شئ على الاربعين وطلبت أخوه يوديه للبيت تبي تزينه وتولم للرجل 00
ويوم جت البيت والا ها اللي نيمه على سريره وعليه قميصه حق النوم لا وقميص توه جديد لكن حملت ولا لبسته

وتدلي تصارخ وتنهار 00 واشوى على جيت رجلها واثره لا هوب منتدب بر المملكة ولا يحزنون رح لسوريا وجاب سورية بالبيت تصدقون عاد ماشاف ولده الجديد وهو ما بينهم الا 70 كم عن اهل مرته يحول ضفت روحه ورجعت لبيت اهله لا ولقت معطي ذهبه للسورية واخذته منه00 قلت بنت رجال ياليته مسطرته هو واياه

ووحيده عنده شغالة نفسه شينه وبس تنافخ وذي متحملته 00 ما وده بالخساير لرجله
وتشرط الشغالة ما تطلع معه ابد وين ما راحت وذي ساكته ومرة طلعو كلهم مسيرين الا بنتهم اللي بالثانوي عنده بحث تكتبه وما احد درا بها يوم ربي بغا يمطر عليهم وسمعت الضحك والكركرة وتنزل والا ابوه يدور بالشغالة شايله والا الشغلة مهن ثياب هذاك حده وتنهار البنت وتجيه حالة وترسب هذيك السنة ويطلع الرجل متزوجه من اربع سنين وحاطه ببيت لحاله لكن ما قدر يأمنه وخاف أنه تخونه جابه وصارت على راس بنته

ووحده جارته توفى رجله وهي ام عيال وصديقته بالمرة وترحمه ودايم تسولف لرجلها عنه ومرة عند جارته الدورية ورايحة تعاونه ونام ولده الصغير وبصفته تمون دخلته غرفة صديقته حقت النوم ويوم دخلت والا هذي شنطة رجله ناظرت والا جواز سفر لخويته وعقد الملاك واثرهم متزوجين لهم ستة اشهر وناوي يسافر به بالعطلة لتركياوموتي قهر وافضحيه عند الضيوف

وكسبت الطلاق من رجلها وتشردت هي وعياله واللي كانت ترحمه ما رحمته

ووحده لرجل بنت عم ماتوا اهله وماعنده ولي امر الا ولد عمه هذا وساكنه عندهم من عمره 6سنوات وذي تقل اميمه له تقول والله ما عمري زودته على بناتي يوم صار عمره 15 سنه ويدخل الرجل بهيعني يعرس عليه قال متملكه من اول يوم دخلت بيتي والبنت صارت بينه وبين ولده قصة حب ما احد درى عنها يوم درا الولد ترك البيت

ووحده يوم عرس ولده تركض وعندك دونك فرحه يا حول وبالقصر يوم قعدوا على الملاك قال ابو البنت تري بنتي عينه كريمه يعني ماله الا وحده قال الولد لا ما ابيه قال ابوه وها الخساير اللي خسرنه قال خذه انت قالهم توافقون على شاورو العروس قالت ايه وملكو ابوه والام تردح ترقص ويوم فقدت الرجل عند النوم درت بالسالفة وعسى حالتكم مهيب حالته 00


عسي ما طولت عليكم عندي كومة سواليف 00 بمحو الامية قبل الدرس نتقهوى ومعكم علم العجيز يجيبن ها السواليف وانا ما غير فاقت اثمي اتوحى 00

ياله عاد تعبت ابي اتلين

أختكم / فتاة من لولو
:afro: :afro: